Apple ဟာ ဈေးကွက်တန်ဖိုး ဒေါ်လာ ၄ ထရီလီယံ ကျော်လွန်သွားတဲ့ အများပိုင်ကုမ္ပဏီ အနည်းငယ်ထဲက တစ်ခု ဖြစ်လာခဲ့ပါပြီ။ ဒီနှစ်အစောပိုင်းမှာ ဒေါ်လာ ၄ ထရီလီယံကျော်သွားတဲ့ တခြား နည်းပညာကုမ္ပဏီကြီးတွေဖြစ်တဲ့ Nvidia နဲ့ Microsoft တို့နဲ့ ရင်ဘောင်တန်းနိုင်ပါပြီ။
Apple (AAPL) ရဲ့ ရှယ်ယာတွေက အင်္ဂါနေ့မှာ ၀.၁% မြင့်တက်ခဲ့ပြီး၊ ကုမ္ပဏီအတွက် အရင်က ခြေမခိုင်ခဲ့တဲ့ အဓိကဈေးကွက်ဖြစ်တဲ့ တရုတ်နိုင်ငံ အပါအဝင် နေရာတွေမှာ iPhone 17 ရောင်းအားကောင်းနေတာကြောင့် ဖြစ်ပါတယ်။
ဒီနှစ်အစောပိုင်းမှာ Apple ရဲ့ ကံကြမ္မာက ပြောင်းပြန်ဖြစ်နေပါတယ်၊ အဲဒီတုန်းက ကုမ္ပဏီရဲ့ ရှယ်ယာတွေက သမ္မတ Donald Trump ရဲ့ အခွန်အတုတ်တွေကနေ AI နည်းပညာတွေ နောက်ကျတာတွေ၊ ပြီးတော့ သူ့ရဲ့ စမတ်ဖုန်းတွေကို ပြည်တွင်းမှာ ထုတ်လုပ်ဖို့ ဖိအားပေးတာတွေအထိ စိန်ခေါ်မှု ပေါင်းစုံကို ဖြတ်သန်းနေရလို့ ထိုးကျသွားခဲ့ပါတယ်။ ဧပြီလက ကုန်သွယ်မှုတစ်ရက်တည်းမှာ ဈေးကွက်တန်ဖိုး ဒေါ်လာ ၃၁၀ ဘီလီယံကျော် ဆုံးရှုံးခဲ့ပါတယ်။
ဒါပေမဲ့ Apple ဟာ AI ပြိုင်ပွဲမှာ နောက်ကျကျန်နေခဲ့ရင်တောင်၊ iPhone Fans တွေကို ထိန်းထားနိုင်တယ်ဆိုတာကို အခုဖြစ်ရပ်က သက်သေပြနေပါတယ်။ ဒါပေမဲ့လည်း Apple ရှယ်ယာတွေက ဒီနှစ်မှာ ၇% ကျော်လောက်ပဲ တက်လာခဲ့ပြီး၊ ၂၀၂၄ ခုနှစ်က မြင်တွေ့ခဲ့ရတဲ့ ၃၀.၇% အမြတ်ထက် အများကြီး နည်းနေပါသေးတယ်။
Apple ဟာ ၂၀၁၈ ခုနှစ် သြဂုတ်လမှာ ဒေါ်လာ ၁ ထရီလီယံ တန်ဖိုးကို ရောက်ရှိတဲ့ ပထမဆုံး အများပိုင်ကုမ္ပဏီ ဖြစ်လာခဲ့ပါတယ်။ ၂၀၂၀ သြဂုတ်လမှာ၊ ပထမဆုံး ဒေါ်လာ ၂ ထရီလီယံ ကုမ္ပဏီ ဖြစ်လာခဲ့ပြီး၊ ၂၀၂၂ ခုနှစ် ဇန်နဝါရီလမှာ ဒေါ်လာ ၃ ထရီလီယံ တန်ဖိုးကို ဖြတ်ကျော်ခဲ့ပါတယ်။
Ref : cnn
The post ဒေါ်လာ ၄ ထရီလီယံ တန်ကြေး ရှိလာတဲ့ Apple appeared first on MyTech Myanmar.
Comments
Post a Comment