တရုတ်နိုင်ငံက ကုမ္ပဏီအချို့မှာ အလုပ်သမားတွေဟာ ကိုယ့်အလုပ်ကို AI နဲ့ အစားထိုးနိုင်ဖို့အတွက် ကိုယ့်ရဲ့ လုပ်ငန်းကျွမ်းကျင်မှုတွေကို AI ဆီ အပ်နှံပေးဖို့ ဖိအားပေးခံနေရပါတယ်။ အလုပ်သမားတွေ ဘယ်လိုအလုပ်လုပ်တယ်၊ ဘယ်လို ဆုံးဖြတ်ချက်ချတယ်ဆိုတာတွေကို အသေးစိတ် မှတ်တမ်းတင်ခိုင်းပြီး အဲဒီအချက်အလက်တွေနဲ့ AI Agent တွေကို လေ့ကျင့်ပေးနေတာဖြစ်တယ်လို့ MIT Technology Review က ဖော်ပြလိုက်ပါတယ်။
ဒီနေရာမှာ Colleague Skill နဲ့ OpenClaw လိုမျိုး နည်းပညာအသစ်တွေက အလုပ်သမားတွေရဲ့ Chat Group တွေနဲ့ ကိုယ်ရေးမှတ်တမ်းတွေကို ခွဲခြမ်းစိတ်ဖြာပြီး အလုပ်တာဝန် တစ်ခုချင်းစီအတွက် အသေးစိတ် “လက်စွဲစာအုပ်” တွေကို ထုတ်ပေးနေတာပါ။ ရှန်ဟိုင်းက အလုပ်သမားတစ်ဦးဖြစ်သူ အမ်ဘာလီကတော့ “ဒီနည်းပညာက ကြောက်စရာကောင်းလောက်အောင် တော်လွန်းနေတယ်” လို့ ဆိုပါတယ်။ လူတွေရဲ့ စကားပြောပုံ၊ ဆက်သွယ်ပုံနဲ့ အမူအကျင့် ပုံစံခွက်တွေကိုတောင် AI က အသေးစိတ် လိုက်တုနိုင်နေပြီ ဖြစ်ပါတယ်။
ဒီအခြေအနေကြောင့် အလုပ်ပြုတ်မှာ စိုးရိမ်တဲ့ အလုပ်သမားတွေဘက်ကလည်း ပြန်လည်ခုခံမှုတွေ စတင်လာနေပါပြီ။ Koki Xu လိုမျိုး အလုပ်သမားတွေကတော့ AI ရဲ့ သင်ယူမှုကို နှောင့်ယှက်ဖျက်ဆီးမယ့် နည်းပညာတွေကို ပြန်လည်တီထွင်ပြီး တုံ့ပြန်နေကြပါတယ်။ ကုမ္ပဏီတွေက အကျိုးအမြတ်အတွက် အလိုအလျောက်စနစ် (Automation) ကို အားစိုက်တွန်းအားပေးနေပေမဲ့၊ အလုပ်သမားတွေအတွက်ကတော့ ကိုယ့်ပညာကို AI လက်ထဲထည့်ပြီး ကိုယ့်နေရာကိုယ် ဖယ်ပေးနေရသလို ဖြစ်နေပါတယ်။
Ref : Fossbytes
The post ကိုယ့်ထမင်းအိုးကိုယ် ခွဲခိုင်းနေတာလား – တရုတ်အလုပ်သမားတွေကို AI ကို လေ့ကျင့်ပေးဖို့ အသုံးချနေ appeared first on MyTech Myanmar.
Comments
Post a Comment