Google Pixel 6 နဲ့ 6 Pro မှာ Samsung mmWave 5G Modem သုံးထားနိုင်

Exynos Modem တွေကို ကမ္ဘာအဝန်းက Galaxy စမတ်ဖုန်း မျိုးစုံမှာ ကျယ်ကျယ်ပြန့်ပြန့် အသုံးပြုနေကြပါတယ်။ ဒါပေမယ့် အမေရိကန်က စမတ်ဖုန်းတွေမှာတော့ အဲဒီ Exynos Modem တွေကို အသုံးမပြုကြပါဘူး။ အခုတော့ နောက်ထွက်မယ့် Pixel 6 Series စမတ်ဖုန်းတွေက အဲဒါကို ပြောင်းလဲ တော့မှာ ဖြစ်ပါတယ်။

Google ကတော့ တရားဝင် မပြောသေးပေမယ့် Pixel 6 Series မှာ Exynos Design ကို အခြေပြုထားတဲ့ Custom Tensor Chipset ပါလာမယ်လို့ သတင်းထွက်ပေါ်နေပါတယ်။ အခုတော့ Reuters က Samsung ဟာ Google Pixel 6 နဲ့ 6 Pro အတွက် 5G Modem တွေကိုပါ ထောက်ပံ့မယ်လို့ ပြောပါတယ်။

စိတ်ဝင်စားစရာကောင်းတာက အဲဒီ Modem ဟာ mmWave 5G ကို ထောက်ပံ့မယ် ဆိုတာ ဖြစ်ပါတယ်။ ဒါဟာ တော်တော် ထူးဆန်းပါတယ်။ mmWave 5G အပိုင်းမှာ Qualcomm ဟာ ရှေ့တန်းက ပြေးနေပါတယ်။ လက်ရှိမှာ 5G Modem ထုတ်လုပ်တဲ့ ကုမ္ပဏီ ၃ ခု ရှိပြီး Qualcomm , Samsung နဲ့ MediaTek တို့ ဖြစ်ပါတယ်။

Pixel 6 Series ဟာ ရောင်းအား အရမ်းများမယ်လို့ မထင်ရပေမယ့် Samsung Modem တွေဟာ ဘယ်လောက် စွမ်းသလဲ ဆိုတာ စမတ်ဖုန်း ထုတ်လုပ်သူတွေကို သက်သေပြနိုင်ပါတယ်။ Pixels, iPhones, Galaxys အပါအဝင် အမေရိကန်မှာ ရောင်းချတဲ့ mmWave စွမ်းရည်ပါတဲ့ စမတ်ဖုန်းတွေမှာ Qualcomm Modem တွေ ထည့်သွင်းထားတာ ဖြစ်ပါတယ်။

Ref : gsmarena

The post Google Pixel 6 နဲ့ 6 Pro မှာ Samsung mmWave 5G Modem သုံးထားနိုင် appeared first on MyTech Myanmar.