Motorola က Moto G71 5G နဲ့ G51 5G ကို ဖန်တီးနေ

Motorola က တန်ဖိုးနည်း Moto E40 ကို မကြာခင်ကမှ ပူပူနွေးနွေး ကြေညာထားပေမယ့် G Series စမတ်ဖုန်းတွေရဲ့ သတင်းတွေ ဆက်တိုက်ထွက်ပေါ်နေပါတယ်။ မကြာခင်ကပဲ Moto G Pure ရဲ့ သတင်းတွေပေါက်ကြားလာခဲ့ပြီး အခုတော့ Moto G71 5G နဲ့ Moto G51 5G တို့အလှည့်ရောက်လာပါပြီ။

Moto G71 5G ကို FCC မှာ မကြာခင်က တွေ့ခဲ့ရပြီး မော်ဒယ်နံပါတ်က XT2169-1 ဖြစ်ပါတယ်။ လျှို့ဝှက်နာမည်က Corfu လို့ အရင်က သိခဲ့ရပြီး G71 ဟာ 5G စမတ်ဖုန်း ဖြစ်ပါတယ်။ Dual-SIM ဖုန်း ဖြစ်ပြီး n5, n66 , n77 နဲ့ n78 5G Bands တွေကို ထောက်ပံ့ထားပါတယ်။ FCC ရဲ့ ဒေတာဘေ့စ်မှာ MC300 Series Charger နဲ့ NG50 ဘက်ထရီ ပါလာမယ်လို့ ဖော်ပြထားပြီး အဲဒါက 5,000mAh ဘက်ထရီ ဖြစ်ပါတယ်။

Moto G71 မှာ NFC နဲ့ 3.5mm Jack ပါလာမှာ ဖြစ်ပြီး FCC ရဲ့စာရင်းမှာ Motorola MH191 နားကြပ်ကို ဘူးထဲမှာ ထည့်ပေးထားမယ်ဆိုတာ မပြောထားပါဘူး။

Moto G51 5G အကြောင်းပြောရရင် GeekBench မှာ မကြာခင်က တွေ့ခဲ့ရပေမယ့် သတင်းအချက်အလက် တော်တော်များများကို မဖော်ပြထားသေးပါဘူး။ Snapdragon 750G Chipset မောင်းနှင်ထားမှာ ဖြစ်ပြီး 4GB RAM နဲ့ ပူးတွဲထားမှာ ဖြစ်ပါတယ်။ Android 11 ပါလာမယ်လို့ထင်ရပါတယ်။

Moto G71 နဲ့ G51 တို့ကို ကြေညာမယ့် အချိန်ကို ကုမ္ပဏီက မပြောသေးပေမယ့် သိပ်မကြာတော့ဘူးလို့ ထင်ရပါတယ်။ ဒီလကုန်လောက်မှာ တရားဝင် မြင်ရနိုင်ပါတယ်။

Ref : gsmarena

The post Motorola က Moto G71 5G နဲ့ G51 5G ကို ဖန်တီးနေ appeared first on MyTech Myanmar.