Apple က ဝန်ထမ်းတွေ Meta ကို မထွက်ခွာသွားအောင် ဒေါ်လာ ၁၈၀,၀၀၀ တန် Bonus တွေ ပေးနေ

အရည်အချင်းရှိတဲ့ ဝန်ထမ်းတွေ ကုမ္ပဏီကနေ မထွက်ခွာသွားအောင် ဆီလီကွန်တောင်ကြားက နည်းပညာ ကုမ္ပဏီကြီးတွေ မက်လုံးပေး စွဲဆောင်နေကြပါတယ်။ အဲဒီအထဲမှာ Apple လည်း ပါဝင်လာပြီး အရင် မပေးခဲ့ဖူးတဲ့ များပြားတဲ့ Stock Bonus တွေကို ဝန်ထမ်းတချို့အား ပေးလိုက်ပါတယ်။

Bloomberg က Apple ဟာ Meta (Facebook) လို ပြိုင်ဖက် ကုမ္ပဏီတွေကို မထွက်ခွာသွားအောင် အင်ဂျင်နီယာတချို့ကို များပြားတဲ့ Bonus တွေ ပေးနေတယ်လို့ ပြောပါတယ်။ Silicon Design , Hardware နဲ့ Software Development က အင်ဂျင်နီယာ တချို့ကို Apple ဟာ ဒေါ်လာ ၅၀,၀၀၀ ကနေ ၁၈၀,၀၀၀ တန်ကြေးရှိတဲ့ Stock Bonus တွေ ပေးနေပါတယ်။

Gurman: Apple's Second Fall Event to Focus on Both New Macs and New iPads - MacRumors

အင်ဂျင်နီယာ အများစုဟာ ဒေါ်လာ ၈၀,၀၀၀ ကနေ ၁၂၀,၀၀၀ ကြားတန်ကြေးရှိတဲ့ Stock တွေ ရကြပါတယ်။ Bloomberg က အခု Bonus ဟာ အခြေခံ လစာ၊ Stock နဲ့ ငွေသား Bonus တွေ ပါဝင်တဲ့ အငြိမ်းစားလစာနဲ့ မသက်ဆိုင်ဘူးလို့ ပြောပါတယ်။ Apple ဟာ တခါတလေ ဝန်ထမ်းတွေကို ငွေသား Bonus တွေ ပေးလေ့ရှိပေမယ့် အခုလို ပမာဏများတဲ့ Stock Bonus တွေ ပေးလေ့ မရှိပါဘူး။

Apple က အခု Bonus ဟာ စွမ်းရည်မြင့်မားတဲ့ အင်ဂျင်နီယာတွေကို ပေးတာလို့ မန်နေဂျာတွေကို အသိပေးထားပါတယ်။ Apple ရဲ့ ဝန်ထမ်း ၁၀၀ ကျော်ဟာ ပြီးခဲ့တဲ့ လအနည်းငယ်က Meta ကို ပြောင်းသွားခဲ့တဲ့အတွက် Apple ဟာ အခုလို Bonus တွေနဲ့ ဝန်ထမ်းတွေကို မက်လုံးပေး စွဲဆောင်တာ ဖြစ်နိုင်ပါတယ်။

Ref : gizmochina

The post Apple က ဝန်ထမ်းတွေ Meta ကို မထွက်ခွာသွားအောင် ဒေါ်လာ ၁၈၀,၀၀၀ တန် Bonus တွေ ပေးနေ appeared first on MyTech Myanmar.

Comments

Post a Comment