Apple အရေး လေ့လာဆန်းစစ်ရာမှာ နာမည်ကြီးတဲ့ Ming-Chi Kuo က ဒီနှစ် ကြေညာမယ့် iPhone တွေမှာ မျက်နှာပြင်အောက် Touch ID နဲ့ Periscope ကင်မရာ မပါလာနိုင်ဘူးလို့ ဟောကိန်းထုတ်လိုက်ပါတယ်။ သူက Periscope ကင်မရာဟာ ၂၀၂၃ ခုနှစ်ကျမှ ပါလာနိုင်ပြီး မျက်နှာပြင်အောက် လက်ဗွေရာ ကိရိယာဟာ ၂၀၂၅ ခုနှစ်ကျမှ ထည့်သွင်းထားမယ်လို့ ပြောပါတယ်။
အခုဆိုရင် ဧပြီလထဲ ဝင်လာပြီ ဖြစ်တဲ့အတွက် iPhone အသစ်တွေကို ကြေညာဖို့ ၅ လခွဲလောက်ပဲ လိုပါတော့တယ်။ iPhone 14 မှာ မျက်နှာပြင်အောက် လက်ဗွေရာ ကိရိယာနဲ့ Periscope ကင်မရာ မပါလာဘူးဆိုတော့ ဘာတွေ ပါလာမလဲ ဆိုတာ လေ့လာကြည့်ရအောင်။ iPhone 14 မှာ Punch Hole ၂ လုံး ထည့်သွင်းထားမှာ ဖြစ်ပြီး ပင်မ ကင်မရာဟာ ပိုတိုးတက်လာမှာပါ။ ကိုယ်ထည်က ပိုထူလာပြီး Chipset အသစ် ထည့်သွင်းထားမှာပါ။
အရင်က Kuo ဟာ iPhone 14 Pro 2 လုံးမှာပဲ နောက်မျိုးဆက် A16 Bionic Chipset ထည့်သွင်းထားမှာ ဖြစ်ပြီး iPhone 14 နဲ့ iPhone 14 Max မှာ A15 ပဲ ပါလာမယ်လို့ ပြောထားပါတယ်။
Pro မဟုတ်တဲ့ မော်ဒယ်တွေမှာ ProMotion Display မပါလာနိုင်ပါဘူး။ ( ProMotion Display ဆိုတာ 120Hz Adaptive Refresh Rate ကို ဆိုလိုတဲ့ Apple ရဲ့ အမည် ဖြစ်ပါတယ်။ ) အကြောင်းအရင်းကတော့ မျက်နှာပြင် ထုတ်လုပ်သူ BOE ဟာ Apple ရဲ့ လိုအပ်ချက်ကို မဖြည့်ဆည်းပေးနိုင်တဲ့အတွက် Apple ဟာ အရည်အသွေးကို လျှော့ချဖို့ ဆုံးဖြတ်ခဲ့ရလို့ ဖြစ်ပါတယ်။
Ref : gsmarena
The post iPhone 14 မှာ မျက်နှာပြင်အောက် လက်ဗွေရာ ကိရိယာနဲ့ Periscope ကင်မရာ မပါလာနိုင် appeared first on MyTech Myanmar.
Comments
Post a Comment