OpenAI ကနေ ထုတ်လုပ်ထားတဲ့ ChatGPT ဟာ လက်ရှိအချိန်မှာ အကောင်းဆုံး AI ဖြစ်နေပြီလို့တောင် သတ်မှတ်နိုင်ပါတယ်။ အခုလိုမျိုး ChatGPT ဟာ အလွန်စွမ်းဆောင်နိုင်တာကြောင့် လက်ရှိအချိန်မှာ Google ၊ Microsoft အပြင် ကုမ္ပဏီအများအပြားက AI တွေကို အပြိုင်အဆိုင်ထုတ်လုပ်နေကြပြီဖြစ်ပါတယ်။
ဒီလိုမျိုး ChatGPT ကို ယှဥ်ပြိုင်မယ့် ကုမ္ပဏီတွေထဲမှာ အခုဆို တရုတ်နိုင်ငံတွင်း အကြီးမားဆုံး နည်းပညာကုမ္ပဏီတစ်ခုဖြစ်တဲ့ Huawei လည်းပါဝင်လာပြီဖြစ်ပါတယ်။ Huawei ရဲ့AI ကိုတော့ NetGPT ဆိုပြီး နာမည်ပေးထားတယ်လို့ သိရပါတယ်။
အဆိုပါသတင်းဟာ Huawei ကုမ္ပဏီကနေ NetGPT နာမည်ကို တရုတ်နိုင်ငံရဲ့ Trademark Patent Office မှာ မူပိုင်ခွင့်လျှောက်ထားခဲ့တာကြောင့် ထွက်ပေါ်လာခဲ့တာဖြစ်ပါတယ်။ ဒါကြောင့် Huawei ဟာ NetGPT AI ကို တရားဝင်ချပြဖို့ စတင်စီစဥ်နေပြီလို့ ယူဆရပါတယ်။
ဒါပေမယ့်လည်း လောလောဆယ်မှာ Huawei ရဲ့ NetGPT AI က ဘယ်လိုမျိုး ဖြစ်လာမလဲဆိုတာကိုတော့ အတိအကျမသိရသေးသလို Huawei ဘက်ကနေလည်း တရားဝင်တုံ့ပြန်မှုမရှိသေးဘူးဖြစ်ပါတယ်။ ဒါပေမယ့် Huawei ဟာ ယခင်ထဲက စမတ်ဖုန်းတွေအပြင် တခြား AIoT ပိုင်း၊ EV စျေးကွက်တွေမှာ AI နည်းပညာတွေကို ဆောင်ရွက်နေတာကြောင့် အခု NetGPT AI ဟာ တော်တော်လေးကို စိတ်ဝင်စားဖို့ကောင်းနေပါတယ်။
Ref – Gizmo China
The post ChatGPT ကို ယှဥ်ပြိုင်မယ့် Huawei ရဲ့ NetGPT AI appeared first on MyTech Myanmar.
Comments
Post a Comment