Huawei ဟာ Foldable ဖုန်းစျေးကွက်ထဲကို အစောဆုံးဝင်ရောက်ခဲ့တဲ့ ကုမ္ပဏီတစ်ခုဖြစ်သလို လက်ရှိအချိန်အထိလည်း Flip Type အပြင် ပုံမှန် Foldable ဖုန်းတွေကိုပါ ဆက်လက်ထုတ်လုပ်နေဆဲဖြစ်ပါတယ်။ အခုထွက်ပေါ်လာတဲ့သတင်းတွေအရ Huawei ဟာ ဒီနှစ်မှာ စိတ်ဝင်စားဖို့ကောင်းတဲ့ Foldable ဖုန်းတွေကို မိတ်ဆက်ဖို့စီစဥ်နေပြီလို့ သိရပါတယ်။
အဆိုပါ သတင်းကတော့ Huawei ဟာ ယခုနှစ်မကုန်ခင်မှာ ၃ ဖက်ခေါက်ချိုးနိုင်တဲ့ Foldable ဖုန်းအမျိုးအစားကို မိတ်ဆက်သွားမှာပဲဖြစ်ပါတယ်။ အစောပိုင်းတုန်းက Huawei ကနေ ဒီလိုမျိုး Screen ကို ၃ ဖက်အထိ ခေါက်ချိုးနိုင်တဲ့ Foldable ဖုန်းအမျိုးအစားအတွက် မူပိုင်ခွင့်တွေရယူခဲ့ထားပြီး ဓါတ်ပုံတွေလည်း ထွက်ပေါ်ခဲ့ဖူးပါသေးတယ်။
ဒါပေမယ့် Huawei ကပဲ ၃ ဖက်ခေါက်ချိုး Foldable ဖုန်းကို မိတ်ဆက်ဖို့ စီစဥ်နေတာမဟုတ်ဘဲ Samsung ကလည်း ဒီနှစ်အတွင်းမှာပဲ မိတ်ဆက်လာနိုင်ခြေရှိနေပါသေးတယ်။ ဘာကြောင့်လဲဆိုရင် ပြီးခဲ့တဲ့ ဇန်နဝါရီလအတွင်းမှာ ပြုလုပ်ခဲ့တဲ့ CES 2024 Event မှာ Samsung ကနေ ၃ ဖက်ခေါက်ချိုးဖုန်းအတွက် Display ကို ထုတ်ပြခဲ့တာကြောင့်ဖြစ်ပါတယ်။
Huawei ရဲ့ ၃ ဖက်ခေါက်ချိုးစမတ်ဖုန်းဟာ ခေါက်လိုက်တဲ့အချိန်မှာ အင်္ဂလိပ်အက္ခရာ “Z” ပုံစံမျိုးဖြစ်နေမှာဖြစ်ပြီး မတူညီတဲ့ Hinge ပတ္တာ ၂ မျိုးကို အသုံးပြုထားမှာဖြစ်ပါတယ်။ အဆိုပါ ၃ ဖက်ခေါက်ချိုးဖုန်းမှာ Main Foldable Display အပြင် အပြင်ဘက်မှာပါ အသုံးပြုနိုင်ဖို့အတွက် သီးသန့် Display လည်းပါဝင်ဦးမှာပါ။
ဘာပဲဖြစ်ဖြစ် Huawei ဘက်က ယခုနှစ်အတွင်းမှာ ၃ ဖက်ခေါက်ချိုးလို့ရတဲ့ Foldable ဖုန်းကို မိတ်ဆက်လာမယ်ဆိုရင် မကြာခင်မှာ Foldable ဖုန်းတွေမှာ ပြောင်းလဲမှုတွေကို စတင်မြင်တွေ့ရလာနိုင်ပါတယ်။
Ref – Gizmo China
The post ၃ ဖက်ခေါက်ချိုး စမတ်ဖုန်းကို ဒီနှစ်ထုတ်ပြဦးမယ့် Huawei appeared first on MyTech Myanmar.
Comments
Post a Comment