SD 7 Gen 1 နဲ့ 45W Charging ပါတဲ့ Samsung Galaxy M55 ကို ကြေညာ

‌Samsung က ဘရာဇီးမှာ Galaxy M55 ကို ကြေညာလိုက်ပါတယ်။ Galaxy M Series ဖုန်းတွေဟာ Galaxy A Series ဖုန်းတွေနဲ့ များသောအားဖြင့် Specs တူညီကြပါတယ်။

Galaxy M55 မှာ 6.7” Super AMOLED Plus FHD+ မျက်နှာပြင် တပ်ဆင်ထားပြီး 120Hz Refresh Rate နဲ့ 1,000 Nits Peak Brightness ထောက်ပံ့ထားပါတယ်။ မျက်နှာပြင်အောက် လက်ဗွေရာ ကိရိယာမြှပ်နှံထားပြီး Punch Hole မှာ 50MP ဆဲလ်ဖီး ကင်မရာ တပ်ဆင်ထားပါတယ်။

အနောက်ဘက်မှာ 50MP Main (OIS), 8MP Ultrawide နဲ့ 2MP Macro ကင်မရာ ၃ လုံးပါပါတယ်။ Snapdragon 7 Gen 1 Chipset နဲ့အတူ 8GB RAM , 256GB Storage ထည့်သွင်းထားပြီး microSD Card စိုက်နိုင်ပါတယ်။ Android 14 အခြေပြု One UI 6.1 မောင်းနှင်ထားပြီး Android Update ၄ ခုနဲ့ Security Patch ၅ နှစ်ရမှာပါ။

Samsung 45W Super Fast Charging 2.0 ထောက်ပံ့တဲ့ 5,000mAh Battery ထည့်သွင်းထားပြီး မိနစ် ၃၀ အတွင်း ၇၀ ရာခိုင်နှုန်း အားသွင်းပေးနိုင်တယ်လို့ Samsung က ပြောပါတယ်။ Dark Blue နဲ့ Light Green အရောင်တွေ ထုတ်လုပ်ထားပြီး 256GB Storage Version ကို ဒေါ်လာ ၆၀၀ သတ်မှတ်ထားပါတယ်။ တခြား နိုင်ငံတွေမှာ မကြာခင် ရောင်းချနိုင်ပါတယ်။

ref : gsmarena 

The post SD 7 Gen 1 နဲ့ 45W Charging ပါတဲ့ Samsung Galaxy M55 ကို ကြေညာ appeared first on MyTech Myanmar.