လွန်ခဲ့တဲ့ ၂၂ နှစ်အကြာက ပျောက်ဆုံးနေတဲ့ Nokia 3310 ဖုန်းဟာ ဘက်ထရီ ၁ တုံး ကျန်နေတာကို အံ့အားသင့်စွာ တွေ့ခဲ့တဲ့ အမျိုးသား

ဝေလ နိုင်ငံ Pontypridd မှ အမျိုးသား တစ်ယောက်ဟာ လွန်ခဲ့တဲ့ ၂၂ နှစ်အကြာက ပျောက်သွားတဲ့ သူ့ရဲ့ Nokia 3310 ဖုန်းကို ပြန်လည် တွေ့ရှိခဲ့ပါတယ်၊ ထူးဆန်းတာက အဲဒီဖုန်းမှာ ဘက်ထရီ ၁ တုံး ကျန်နေသေးတာ ဖြစ်ပါတယ်။ သူဟာ အဲဒါကို တွေ့ရှိပြီးတော့ အရမ်းကို အံ့အားသင့်သွားခဲ့ရပါတယ်။

ဒီဖြစ်ရပ်က ဒီနေ့ခေတ် စမတ်ဖုန်းတွေထက် အစောပိုင်းခေတ်က ဖုန်းတွေဟာ ပိုမိုမာကျောကြံ့ခိုင်တယ်ဆိုတာကို သက်သေပြသနေပါတယ်။ တစ်ချိန်တစ်ခါက နာမည်ကျော်ကြား လူကြိုက်များခဲ့တဲ့ Nokia 3310 လို ဖုန်းတွေဟာ ဒီနေ့ခေတ်အထိ အသုံးပြုနိုင်သေးတာကို တွေ့ရပါတယ်။

အလားတူ ဖြစ်ရပ် တစ်ခု အရင်ကလည်း ဖြစ်ခဲ့ဖူးပါတယ်။ ၂၀၁၉ ခုနှစ်မှာ ဆယ်စုနှစ် ၂ ခုကြာ မသုံးဘဲထားခဲ့တဲ့ Nokia 3310 ဖုန်းဟာ ဘက်ထရီ ၇၀ ရာခိုင်နှုန်းကျန်နေသေးတာကို ပိုင်ရှင်က အံ့အားသင့်စွာ တွေ့ခဲ့ရပါတယ်။ အဲဒီ သတင်းဟာ နိုင်ငံတကာ မီဒီယာတွေမှာ နာမည်ကြီးသွားခဲ့ပါတယ်။

မိုဘိုင်းဖုန်း ခေတ်ဦးကာလတွေမှာတော့ Nokia ရဲ့ Keypad ဖုန်းတွေဟာ လူကြိုက်များ နာမည်ကြီးခဲ့ပါတယ်။ အဲဒီအထဲမှာ Nokia 3310 ဟာ လူတွေရဲ့ အသည်းကျော် ဖြစ်ခဲ့ဖူးတယ်ဆိုတာကို ဒီသတင်းက ပြန်လည် အောက်မေ့ သတိရမိစေပါတယ်။

Ref : Tech Explorers

The post လွန်ခဲ့တဲ့ ၂၂ နှစ်အကြာက ပျောက်ဆုံးနေတဲ့ Nokia 3310 ဖုန်းဟာ ဘက်ထရီ ၁ တုံး ကျန်နေတာကို အံ့အားသင့်စွာ တွေ့ခဲ့တဲ့ အမျိုးသား appeared first on MyTech Myanmar.