Xiaomi က Android 16 အခြေပြု HyperOS 3.0 ကို တရားဝင်ကြေညာ

Xiaomi က Android 16 ကို အခြေခံထားတဲ့ HyperOS 3.0 ကို တရားဝင် ကြေညာလိုက်ပြီး Beta (စမ်းသပ်သုံးစွဲမှု) အတွက် အရည်အချင်းပြည့်မီတဲ့ ဖုန်းတွေရဲ့ စာရင်းကိုလည်း ထုတ်ပြန်ခဲ့ပါတယ်။ အဲဒီကြေညာချက်ဟာ တရုတ်ဈေးကွက်အတွက် ဖြစ်တဲ့အတွက် အချို့လုပ်ဆောင်ချက်တွေ ကွာခြားနိုင်သလို၊ ဖြန့်ချိမယ့်ရက်စွဲတွေကလည်း ကွဲပြားနိုင်တယ်ဆိုတာကိုတော့  မှတ်သားထားရမှာ ဖြစ်ပါတယ်။

HyperOS 3.0 အသစ်မှာ icon အသစ်တွေ၊ status bar အသစ်နဲ့ Super Island ဆိုတဲ့ လုပ်ဆောင်ချက်အသစ်ကို ထည့်သွင်းထားပြီး အမြင်ပိုင်းဆိုင်ရာကို အနည်းငယ် ပြုပြင်ပြောင်းလဲထားပါတယ်။ ဒါ့အပြင် AI စွမ်းဆောင်ရည် မြှင့်တင်မှုတွေနဲ့ ဖုန်းရဲ့လုပ်ဆောင်နိုင်စွမ်း ပိုကောင်းလာစေဖို့အတွက် အတွင်းပိုင်း ပြင်ဆင်မှုတွေလည်း ပါဝင်လာပါတယ်။

Super Island လုပ်ဆောင်ချက်ဟာ iOS ရဲ့ Dynamic Island နဲ့ အတော်လေး ဆင်တူပါတယ်။ ဒါဟာ app တွေရဲ့ လက်ရှိလုပ်ဆောင်ချက်တွေ၊ ချိန်းဆိုမှုတွေ၊ ဘွတ်ကင်တွေ၊ သီချင်းဖွင့်တာကို ထိန်းချုပ်တာတွေနဲ့ တခြားအခြေအနေအလိုက် လိုအပ်တဲ့ အချက်အလက်တွေကို ပြသပေးမှာ ဖြစ်ပါတယ်။ တစ်ခုတည်းသော ကွာခြားချက်ကတော့ HyperOS ရဲ့ Super Island ဟာ notification panel (အသိပေးချက်ဘောင်) မှာ အမြဲတမ်းပေါ်နေမှာ ဖြစ်ပါတယ်။

OS အသစ်မှာ ပိုပြီးရိုးရှင်းတဲ့ iOS ပုံစံနဲ့ဆင်တူတဲ့ icon အသစ်စက်စက်တွေ ပါဝင်လာပါတယ်။ Xiaomi က ပြင်ဆင်နိုင်တဲ့ home screen grid နဲ့ ပုံစံပြောင်းထားတဲ့ status bar ကိုလည်း ထည့်သွင်းပေးထားပါတယ်။

Xiaomi က ပုံစံအသစ်ထုတ်ထားတဲ့ dialer app (ဖုန်းခေါ်တဲ့ app) ကို ပြသခဲ့ပေမယ့်၊ ဒါဟာ တရုတ်ဈေးကွက်အတွက်ပဲ ဖြစ်နိုင်ပါတယ်။ ဘာကြောင့်လဲဆိုတော့ တရုတ်ဗားရှင်း ROM မှာ Xiaomi ရဲ့ ကိုယ်ပိုင် Phone app ကို သုံးပြီး၊ Global နဲ့ ဥရောပ ROM တွေမှာတော့ Google ရဲ့ Phone app ကို အသုံးပြုတာကြောင့် ဖြစ်ပါတယ်။

Oppo နဲ့ OnePlus တို့လိုပဲ Xiaomi ကလည်း iPhone, iPad နဲ့ Mac တွေနဲ့ ချိတ်ဆက်ပြီး အချက်အလက်တွေကို အလွယ်တကူ လွှဲပြောင်းနိုင်မယ့် နည်းလမ်းကို ထည့်သွင်းပေးထားပါတယ်။

Xiaomi က HyperOS 3.0 Beta ရမယ့် ဖုန်းတွေရဲ့ စာရင်းကို ဖြန့်ချိမယ့် ရက်စွဲတွေနဲ့အတူ မျှဝေခဲ့ပါတယ်။ တည်ငြိမ်တဲ့ (Stable) HyperOS 3.0 ဗားရှင်းကိုတော့ ဒီနှစ်ရဲ့ စတုတ္ထသုံးလပတ်အတွင်းမှာ ရရှိနိုင်မယ်လို့ မျှော်လင့်ရပါတယ်။

August 29

• Xiaomi 15 Ultra
• Xiaomi 15S Pro
• Xiaomi 15 Pro
• Xiaomi 15
• Redmi K80 Pro
• Redmi K80 Extreme Edition
• Xiaomi Pad 7S Pro 12.5
• Xiaomi Pad 7 Pro
• POCO F7 models

September 17

• Xiaomi MIX Flip 2
• Redmi K80
• Xiaomi Pad 7 Ultra
• Xiaomi Pad 7
• Redmi K Pad
• Xiaomi TV S Pro Mini LED 2025 series
• Xiaomi TB S Pro Mini LED series

September 30

• Xiaomi MIX Fold 4
• Xiaomi MIX Flip
• Xiaomi 14 Ultra/Titanium Special Edition
• Xiaomi 14 Pro/Titanium Special Edition
• Xiaomi 14
• Redmi K70 Pro
• Redmi K70 Extreme Edition
• Redmi K70
• Redmi K70E
• Xiaomi Pad 6S Pro 12.4

Ref : gsmarena

The post Xiaomi က Android 16 အခြေပြု HyperOS 3.0 ကို တရားဝင်ကြေညာ appeared first on MyTech Myanmar.